மாவட்ட செய்திகள்

அம்மா உணவகங்களில் பார்சல் மூலம் உணவு வினியோகம் + "||" + amma food court

அம்மா உணவகங்களில் பார்சல் மூலம் உணவு வினியோகம்

அம்மா உணவகங்களில் பார்சல் மூலம் உணவு வினியோகம்
ஈரோடு மாவட்டத்தில் அம்மா உணவகங்களில் பார்சல் மூலம் உணவு வினியோகம் செய்யப்பட்டது.
ஈரோடு
கொரோனா பரவுவதை கட்டுப்படுத்துவதற்காக முழு ஊரடங்கு அமல்படுத்தப்பட்டு இருந்ததால், பெரும்பாலான ஓட்டல்கள் நேற்று அடைக்கப்பட்டு இருந்தன. இதனால் ஆதரவின்றி சாலையோரம் வசிப்பவர்கள், வேலைக்காக விடுதியில் தனியாக தங்கி இருப்பவர்கள் உள்ளிட்டோர் உணவு கிடைக்காமல் சிரமப்பட்டனர். அதேசமயம் ஈரோடு மாநகராட்சி பகுதியில் செயல்பட்ட அம்மா உணவகம் அவர்களுக்கு பெரும் உதவியாக இருந்தது. அங்கு வழக்கம்போல் உணவுகள் தயார் செய்து பார்சல் மூலமாக வினியோகிக்கப்பட்டன. எனவே பொதுமக்கள் சமூக இடைவெளிவிட்டு வரிசையில் காத்திருந்து உணவை வாங்கி சென்றார்கள். ஈரோடு காந்திஜிரோடு, சின்ன மார்க்கெட் பகுதி, சூளை, சூரம்பட்டி, ஈரோடு அரசு ஆஸ்பத்திரி, கொல்லம்பாளையம் உள்பட மொத்தம் 13 இடங்களில் உள்ள அம்மா உணவகங்கள் வழக்கம்போல் செயல்பட்டன.
இதேபோல் மற்ற உணவகங்கள் செயல்பட அனுமதி அளிக்கப்பட்டாலும், ஒரு சில ஓட்டல்கள் மட்டுமே திறக்கப்பட்டு இருந்தன. அங்கு காலை 6 மணி முதல் 10 மணி வரையும், மதியம் 12 மணி முதல் 3 மணி வரையும், இரவு 7 மணி முதல் 9 மணி வரையும் உணவு பார்சல் வழங்கப்பட்டன. ஈரோடு மாநகராட்சி அலுவலகம் முன்பு பலர் சாலையோரமாக தங்கி உள்ளார்கள். ஊரடங்கு காரணமாக அவர்கள் உணவு கிடைக்காமல் சிரமப்பட்டார்கள். அவர்களுக்கு தன்னார்வலர்கள் பலர் வாகனங்களில் வந்து உணவு வழங்கி சென்றனர்.

தொடர்புடைய செய்திகள்

1. அம்மா உணவகம் சூறையாடப்பட்ட சம்பவம்: எடப்பாடி பழனிசாமி, ஓ.பன்னீர்செல்வம் கண்டனம்
அம்மா உணவகம் சூறையாடப்பட்ட சம்பவம்: எடப்பாடி பழனிசாமி, ஓ.பன்னீர்செல்வம் கண்டனம்.
2. சென்னை முகப்பேரில் அம்மா உணவகம் சூறை; தி.மு.க.வினர் 2 பேர் கைது
சென்னை முகப்பேரில் இயங்கி வந்த அம்மா உணவகத்துக்குள் நுழைந்து சூறையாடிய தி.மு.க.வினர் 2 பேர் கைது செய்யப்பட்டனர்.
3. அம்மா உணவக பெயர் பலகை நீக்கம்: திமுக தொண்டர்கள் இருவர் நீக்கம் - திமுக எம்எல்ஏ மா.சுப்பிரமணியன் செய்தியாளர் சந்திப்பு
அம்மா உணவக பெயர் பலகை நீக்கப்பட்ட சம்பவத்தில் திமுக தொண்டர்கள் இருவர் நீக்கம் செய்யப்பட்டுள்ளதாக திமுக எம்எல்ஏ மா.சுப்பிரமணியன் செய்தியாளர் சந்திப்பில் தெரிவித்தார்.
4. அம்மா உணவகத்தின் பெயர் பலகையை நீக்கிய திமுகவை சேர்ந்த 2 பேர் கட்சியில் இருந்து நீக்கம்-மு.க.ஸ்டாலின்
அம்மா உணவகத்தின் மீது தாக்குதல் நடத்திய திமுகவினர் இருவர் மீது சட்டப்படியான நடவடிக்கை எடுக்க முகஸ்டாலின் அறிவுறுத்தியுள்ளார்.