5,100 பேருக்கு கொரோனா தடுப்பூசி

சிவகங்கை மாவட்டத்தில் நாளுக்கு நாள் கொரோனா பரவல் அதிகரித்து வருகிறது. இதை தடுக்க மாவட்ட நிர்வாகம் பல்வேறு நடவடிக்கைகளை எடுத்து வருகிறது. அரசு ஆஸ்பத்திரி மற்றும் ஆரம்ப சுகாதார நிலையம் சார்பில் கொரோனா தடுப்பூசி போடும் பணி தீவிரப்படுத்தப்பட்டு உள்ளது.
கல்லல் ஒன்றியம் செம்பனூர் வட்டார ஆரம்ப சுகாதார நிலையத்தில் இதுவரை 5 ஆயிரத்து 100 பேருக்கு கொரோனா தடுப்பூசி போடப்பட்டுள்ளது. சுகாதார பணியாளர்கள், ஆசிரியர்கள், ஊரக வளர்ச்சி பணியாளர்கள், போலீசார், தனியார் மருத்துவ ஊழியர்கள் ஆகியோருக்கு 2-வது தடுப்பூசி போடப்பட்டு உள்ளது. கொரோனா தடுப்பூசி போடுவதால் எந்தவித பக்கவிளைவும் ஏற்படவில்லை. எனவே மக்கள் அச்சமின்றி கொரோனா தடுப்பூசியை போட்டு்க்கொள்ள முன் வர வேண்டும் என்று வட்டார மருத்துவ அலுவலர் ஆல்வின் ஜேம்ஸ் வேண்டுகோள் விடுத்துள்ளார்.