<
மங்களூரு அருகே ஆள்கடத்தல் வழக்கில் 7 பேர் கைது
மங்களூரு அருகே ஆள்கடத்தல் வழக்கில் 7 பேர் கைது செய்யப்பட்டுள்ளதாக போலீஸ் கமிஷனர் தெரிவித்துள்ளார்.
மங்களூரு: மங்களூரு அருகே ஆள்கடத்தல் வழக்கில் 7 பேர் கைது செய்யப்பட்டுள்ளதாக போலீஸ் கமிஷனர் தெரிவித்துள்ளார்.
7 பேர் கைது
மங்களூரு மாநகர போலீஸ் கமிஷனர் சசிகுமார் நேற்று மாலை தனது அலுவலகத்தில் நிருபர்களுக்கு பேட்டி அளித்தார். அப்போது அவர் கூறியதாவது:-
மங்களூரு கே.சி.நகரை சேர்ந்த அகமது அஸ்ரப் மற்றும் இக்பால் ஆகியோர் கடந்த 22-ந்தேதி மர்மநபர்களால் கடத்தப்பட்டனர். இதுதொடர்பாக அகமது அஸ்ரப்பின் மனைவி போலீசில் புகார் அளித்தார். அதன்பேரில் போலீசார் தீவிர விசாரணை நடத்தி வந்தனர். இந்த நிலையில் மர்மநபர்களிடம் இருந்து 2 பேரும் மீட்கப்பட்டனர்.
இந்த சம்பவத்தில் தொடர்புடைய 7 பேரை போலீசார் கைது செய்துள்ளனர். விசாரணையில், அவர்கள் அதேப்பகுதியை சேர்ந்த அகமது இக்பால் யாகூப், உமர், சம்சீர், சையத் முகமது, நவ்சத், ஷேக் முகமது, ரியாஸ் என்பது தெரியவந்தது. இவர்களிடம் இருந்து 120 கிராம் தங்க நகைகள், 10 செல்போன்கள், 3 கார்கள் பறிமுதல் செய்யப்பட்டன.
பணம் பறிக்க திட்டம்
மேலும் போலீசார் நடத்திய விசாரணையில், அகமது அஸ்ரப் மற்றும் இக்பால் ஆகியோரிடம் அதிகளவு பணம் இருப்பதை அறிந்து கொண்ட மர்மநபர்கள், 2 பேரையும் கடத்தி பணம் பறிக்க திட்டமிட்டுள்ளனர். கைதான 7 பேரிடமும் தொடர்ந்து விசாரணை நடைபெற்று வருகிறது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
