ஓமலூர் அருகே மினி லாரி கவிழ்ந்து பெண் காயம்

ஓமலூர்:

ஓமலூர் அருகே உள்ள குதிரை குத்திப்பள்ளம் பகுதியில் இருந்து ஒரு மினி லாரி ஹாலோ பிரிக்ஸ் கற்களை ஏற்றிக்கொண்டு கஞ்சநாயக்கன்பட்டி நோக்கி சென்றது. மினி லாரியை நவீன் என்பவர் ஓட்டி சென்றார். மேலும் மினி லாரியின் ஏற்றப்பட்ட கற்கள் மீது பழனியம்மாள் என்பவர் உள்பட 3 தொழிலாளர்கள் அமர்ந்து பயணம் செய்தனர். ஓமலூர் அருகே வடமனேரி பகுதியில் மினி லாரி சென்ற போது எதிர்பாராத விதமாக டிரைவரின் கட்டுப்பாட்டை இழந்து சாலையோர சிறிய பள்ளத்தில் கவிழ்ந்தது. இதில் கற்கள் மீது அமர்ந்து பயணம் செய்த பழனியம்மாள் காயம் அடைந்தார். அவரை அக்கம்பக்கத்தினர் மீட்டு சிகிச்சைக்காக ஓமலூர் அரசு ஆஸ்பத்திரியில் சேர்த்தனர். இந்த விபத்து குறித்து தீவட்டிப்பட்டி போலீசார் விசாரணை நடத்தி வருகின்றனர்.