<
கர்நாடக சட்டசபை சபாநாயகர் காகேரிக்கு கொரோனா
சபாநாயகர் காகேரி.
சபாநாயகர் காகேரி கொரோனாவால் பாதிக்கப்பட்டார்.
பெங்களூரு: கர்நாடகத்தில் கொரோனா வைரஸ் வேகமாக பரவி வருகிறது. தலைநகர் பெங்களூருவில் வைரஸ் ருத்ரதாண்டவம் ஆடி வருகிறது. இங்கு தினசரி 20 ஆயிரம் பேருக்கு தொற்று ஏற்பட்டு வருகிறது.
இதனால் நகரில் அரசு-தனியார் மருத்துவமனைகள் கொரோனா நோயாளிகளால் நிரம்பி வழிகின்றன. இந்த கொரோனா மக்கள் பிரதிநிதிகளையும் விட்டு வைக்கவில்லை. கடந்த சில நாட்களுக்கு முன்பு முதல்-மந்திரி எடியூரப்பா, முன்னாள் முதல்-மந்திரி குமாரசாமி ஆகியோருக்கும் வைரஸ் தொற்று ஏற்பட்டது. அதில் இருந்து அவர்கள் 2 பேரும் மீண்டனர்.
இந்த நிலையில் கர்நாடக சட்டசபை சபாநாயகர் காகேரிக்கு கொரோனா பாதிப்பு ஏற்பட்டுள்ளது. இதையடுத்து அவர் தன்னை தனிமைப்படுத்தி கொண்டுள்ளார். அவர் வைரஸ் பாதிப்பில் இருந்து விரைவாக குணம் அடைய வேண்டும் என்று முதல்-மந்திரி எடியூரப்பா வாழ்த்து தெரிவித்துள்ளார்.
கொரோனா பாதிப்புக்கு உள்ளான சபாநாயகர் காகேரி கடந்த 2 நாட்களுக்கு முன்பு சிர்சியில் நடந்த திருமணத்தில் முகக்கவசம் அணியாமல் கலந்து கொண்டார். இது சர்ச்சையை கிளப்பி இருந்தது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
