விராலிமலை கோவில் மலைப்பாதையில் உள்ள சிவன், பார்வதி சாமி சிலைகள் உடைப்பு


விராலிமலை கோவில் மலைப்பாதையில் உள்ள சிவன், பார்வதி சாமி சிலைகள் உடைப்பு
x
தினத்தந்தி 10 May 2021 6:48 PM GMT (Updated: 10 May 2021 6:48 PM GMT)

சிவன், பார்வதி சாமி சிலைகள் உடைக்கப்பட்டது.

விராலிமலை:
விராலிமலையில் பிரசித்திபெற்ற முருகன் கோவில் உள்ளது. இங்கு மலைமேல் முருகன் வள்ளி-தெய்வானையுடன் பக்தர்களுக்கு அருள்பாலித்து வருகிறார். இக்கோவிலில் வயதானவர்கள் மற்றும் மாற்றுத்திறனாளிகளும் மலைமேல் சென்று முருகனை வழிபடுவதற்காக மலைப்பாதை அமைக்கப்பட்டுள்ளது. அதன் ஒருபுறத்தில் முருகன், சிவன், பார்வதி, மான், புலி உள்ளிட்ட பல்வேறு சிற்பங்கள் செய்து பக்தர்கள் காட்சிக்காக வைக்கப்பட்டுள்ளது. தற்போது கோரோனா தொற்று காரணமாக கோவில் மூடப்பட்டு பக்தர்கள் வழிபாட்டிற்கு தடை விதிக்கப்பட்டுள்ளது. இந்நிலையில் நேற்று கோவிலுக்கு செல்லும் மலைப்பாதை ஓரத்தில் இருந்த சிவன், பார்வதி, முருகன் உள்ளிட்ட சிமெண்டினால் செய்யப்பட்ட சிலையை மர்ம நபர்கள் உடைத்துள்ளனர். இச்சம்பவம் பக்தர்களிடையே பெரும் அதிர்ச்சியை ஏற்படுத்தியுள்ளது.

Next Story