வீரவநல்லூர் அருகே மோட்டார்சைக்கிள் விபத்தில் வாலிபர் பலி

சேரன்மாதேவி, மே.11-

வீரவநல்லூர் கோட்டைவாசல் தெருவை சேர்ந்தவர் ஆனந்தராஜ். இவரது மகன் குமார் (வயது 24). இவர் டிரைவராக வேலை பார்த்து வந்தார். நேற்று முன்தினம் இரவு குமார் தனது மோட்டார்சைக்கிளில் ரெட்டியார்புரம் விலக்கு அருகில் வந்தபோது திடீரென நிலைதடுமாறி தவறி கீழே விழுந்தார். இதனை கண்ட அக்கம்பக்கத்தினர், படுகாயம் அடைந்த அவரை மீட்டு உடனடியாக வீரவநல்லூரில் உள்ள தனியார் ஆஸ்பத்திரிக்கு கொண்டு சென்றனர். அங்கு குமாரை பரிசோதித்த டாக்டர்கள், அவர் ஏற்கனவே இறந்துவிட்டதாக தெரிவித்தனர். 

இதுகுறித்து தகவல் அறிந்த வீரவநல்லூர் போலீசார் உடனடியாக அவரது உடலை கைப்பற்றி பிரேத பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.