சங்கரன்கோவிலில் புதுப்பெண் தீக்குளித்து தற்கொலை

சங்கரன்கோவில்:

தென்காசி மாவட்டம் சங்கரன்கோவில் திருவள்ளுவர் நகரைச் சேர்ந்தவர் முத்துராஜ் மகள் வள்ளி (வயது 25). இவருக்கும், பாரதியார் 4-வது தெருவை சேர்ந்த சண்முகவேல் என்பவருக்கும் கடந்த மார்ச் மாதம் 31-ந்தேதி திருமணம் நடைபெற்றது. இந்த நிலையில் நேற்று வீட்டின் மாடியில் இருந்த வள்ளி திடீரென்று தனது உடலில் மண்எண்ணெய் ஊற்றி தீவைத்துக் கொண்டதாக கூறப்படுகிறது. இதில் பலத்த தீக்காயமடைந்த அவர் சம்பவ இடத்திலேயே உடல் கருகி பரிதாபமாக இறந்தார்.

இதுபற்றிய தகவல் அறிந்ததும் சங்கரன்கோவில் டவுன் போலீசார் சம்பவ இடத்துக்கு வந்து வள்ளியின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இச்சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். மேலும் வள்ளிக்கு திருமணம் முடிந்து 40 நாட்களே ஆனதால் உதவி கலெக்டர் விசாரணை நடைபெற உள்ளது. புதுப்ெபண் தீக்குளித்து தற்கொலை செய்து கொண்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.