ஆடு திருடியவர் கைது

குன்னம்:

குன்னம் அருகே உள்ள கொளக்காநத்தம், இலுப்பைக்குடி, பிலிமிசை, கூத்தூர் உள்ளிட்ட கிராமங்களில் கடந்த சில நாட்களாக அடிக்கடி ஆடுகள் திருட்டு போயின. இந்நிலையில் மோட்டார் சைக்கிளில் ஒரு ஆட்டை வைத்துக்கொண்டு வந்தவரை கொளக்காநத்தம் பகுதியை சேர்ந்த பொதுமக்கள் தடுத்து நிறுத்தி விசாரித்தனர். அப்போது அவர் முன்னுக்குப் பின் முரணாக பதில் அளித்துள்ளார். இதனால் சந்தேகம் அடைந்த கிராம மக்கள் அவரை பிடித்து மருவத்தூர் போலீசாருக்கு தகவல் கொடுத்தனர். அதன்பேரில் அங்கு விரைந்து வந்த போலீசாரிடம், அவரை ஒப்படைத்தனர். அவரை போலீஸ் நிலையத்திற்கு அழைத்துச்சென்று போலீசார் விசாரணை நடத்தினர். விசாரணையில், அவர் பெரம்பலூர் 4 ரோடு பகுதியை சேர்ந்த ராஜீ மகன் பாலகிருஷ்ணன் (வயது 26) என்பதும், மோட்டார் சைக்கிளில் வைத்திருந்த ஆடு திருடி வந்தது என்பதும் தெரியவந்தது. இது குறித்து மருவத்தூர் போலீசார் வழக்குப்பதிவு செய்து அவரை கைது செய்து, பெரம்பலூர் குற்றவியல் நீதிமன்றத்தில் ஆஜர்படுத்தி சிறையில் அடைத்தனர்.