<
ஒகேனக்கல்லுக்கு நீர்வரத்து 2,000 கனஅடியாக அதிகரிப்பு
ஒகேனக்கல்லுக்கு நீர்வரத்து 2,000 கனஅடியாக அதிகரிப்பு
பென்னாகரம்:
காவிரி நீர்ப்பிடிப்பு பகுதிகளில் மழை பெய்ததால் ஒகேனக்கல்லுக்கு நீர்வரத்து வினாடிக்கு 2,000 கனஅடியாக அதிகரித்துள்ளது.
நீர்வரத்து அதிகரிப்பு
தமிழகத்தின் பல்வேறு பகுதிகளில் கடந்த சில நாட்களாக மேலடுக்கு சுழற்சி காரணமாக பரவலாக மழை பெய்து வருகிறது. இதனிடையே தமிழக கர்நாடக காவிரி நீர்ப்பிடிப்பு பகுதிகளான அஞ்செட்டி, பிலிகுண்டுலு, ஊட்டமலை உள்ளிட்ட பகுதிகளில் மழை பெய்ததன் காரணமாக ஒகேனக்கல்லுக்கு நீர்வரத்து அதிகரித்தது.
அதன்படி நேற்று முன்தினம் வினாடிக்கு 400 கனஅடியாக இருந்த நீர்வரத்து, நேற்று காலை 8 மணி நிலவரப்படி வினாடிக்கு 2,000 கனஅடியாக அதிகரித்தது.
வெறிச்சோடிய ஒகேனக்கல்
இந்த நீர்வரத்தை காவிரியின் நுழைவிடமான பிலிகுண்டுலுவில் மத்திய நீர்வளத்துறை அதிகாரிகள் அளந்து கண்காணித்து வருகின்றனர்.
இதனிடையே கொரோனா தொற்று பரவல் தடுப்பு நடவடிக்கையாக சுற்றுலா தலங்களுக்கு தடை விதிக்கப்பட்டுள்ளதால் சுற்றுலா பயணிகள் இன்றி ஒகேனக்கல் வெறிச்சோடி காணப்படுகிறது.
=======
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
