ஊரடங்கு விதிமீறல்: 94 வாகனங்கள் பறிமுதல்

நெல்லை:

நெல்லை மாவட்டத்தில் கொரோனா வைரஸ் பரவலை தடுப்பதற்கு நேற்று முதல் புதிய ஊரடங்கு விதிமுறைகள் அமலுக்கு வந்துள்ளது. இதையொட்டி நெல்லை மாவட்ட போலீஸ் சூப்பிரண்டு மணிவண்ணன் உத்தரவுப்படி போலீசார், பொதுமக்கள் நலன் கருதி துண்டுப்பிரசுரம் வழங்கியும், ஒலிபெருக்கி மூலமும் கொரோனா தடுப்பு நடவடிக்கைகள் மற்றும் ஊரடங்கு விதிகள் குறித்து விழிப்புணர்வு ஏற்படுத்தினர்.மேலும் ஊரடங்கு விதிமுறைகளை மீறி வெளியே சுற்றித்திரிந்த 94 பேர் மீது போலீசார் வழக்குகள் பதிவு செய்தனர். அவர்களிடம் இருந்து 94 வாகனங்களும் பறிமுதல் செய்யப்பட்டுள்ளன. 

மேலும் பொது இடங்களில் முககவசம் அணியாத 387 பேர் மற்றும் சமூக இடைவெளியை பின்பற்றாத 11 பேருக்கு போலீசார் அபராதம் விதித்தனர். இதே போல் நெல்லை மாநகரிலும் போலீசார் கொரோனா விதிகளை மீறி செயல்பட்டவர்களுக்கு அபராதம் விதித்தனர்.