1,321 பேருக்கு கொரோனா நிவாரண நிதி

மானாமதுரை ஆதனூர் சாலையில் உள்ள 7-வது வார்டை சேர்ந்த குடும்ப அட்டைதாரர்களுக்கு கொரோனா நிவாரண நிதி வழங்கும் நிகழ்ச்சி நடந்தது. இதற்கு கலெக்டர் மதுசூதன்ரெட்டி தலைமை தாங்கினார்.
திருப்புவனத்தில் உள்ள உழவர் பணி கூட்டுறவு சங்கம் சார்பில் கொரோனா முதற்கட்ட நிவாரண உதவி வழங்கும் விழா தேரடி வீதியில் உள்ள ரேஷன் கடை முன்பு நடைபெற்றது. விழாவிற்கு கலெக்டர் மதுசூதன்ரெட்டி தலைமை தாங்கினார்.விழாவில் அமைச்சர் பெரியகருப்பன் கலந்துகொண்டு பயனாளிகளுக்கு கொரோனா முதல்கட்ட நிவாரண உதவி ரூ.2 ஆயிரத்தை வழங்கி பேசினார்.
 விழாவில் சிவகங்கை கோட்டாட்சியர் முத்துக்கழுவன், தமிழரசி எம்.எல்.ஏ., தி.மு.க. மாவட்ட துணைச்செயலாளர் சேங்கைமாறன், கூட்டுறவு சங்க இணை பதிவாளர் ஆரோக்கிய சுகுமார், கூட்டுறவு சங்க துணை பதிவாளர் ராஜேந்திரன், கூட்டுறவு சார்பதிவாளர் அழகர்சாமி, உள்பட பலர் கலந்து கொண்டனர்.