ராஜீவ் காந்தி உருவப்படத்திற்கு அஞ்சலி

மதுரை

முன்னாள் பிரதமர் ராஜீவ் காந்தி நினைவு நாளையொட்டி, மதுரை கே. கே. நகரில் உள்ள கட்சி அலுவலகத்தில் மாநகர் காங்கிரஸ் கமிட்டி சார்பில், அலங்கரித்து வைக்கப்பட்டுள்ள அவரது உருவப்படத்திற்கு, மாநகர் மாவட்ட தலைவர் கார்த்திகேயன் தலைமையில் நிர்வாகிகள் மாலை அணிவித்து அஞ்சலி செலுத்தினார்கள். இதையடுத்து கொடுஞ்செயல் எதிர்ப்பு நாள் உறுதிமொழி எடுத்துக்கொண்டனர். இதேபோல் யானைக்கல் பகுதியில் அவரது உருவப்படத்திற்கு மாநில பொதுச்செயலாளர்கள் எஸ்.வி.முருகன், வரதராஜன், நிர்வாகிகள் ராஜா ஹசன், மணிமாறன், காமராஜ் ஆகியோர் மாலை அணிவித்து மரியாதை செலுத்தினார்கள். இதையடுத்து பொது மக்களுக்கு முக கவசம் வழங்கினார்கள். இதில் பஞ்சாயத்து ராஜ் மதுரை மாவட்ட தலைவர் முத்துக்குமார், வழக்கறிஞர் மாவட்ட தலைவர் முத்துப்பாண்டி, விவசாய பிரிவு தலைவர் ரவிச்சந்திரன், சிறுபான்மை பிரிவு மாநில துணைத்தலைவர் மீர் பாஷா, ஊடகப்பிரிவு மாநில துணைத் தலைவர் பால் ஜோசப், மூத்த வழக்கறிஞர்கள் பிஸ்மில்லா கான், நீதி ராஜாராம் மாவட்ட துணைத்தலைவர்கள் தியாகி சுந்தர மகாலிங்கம் உள்பட பலர் கலந்து கொண்டனர்.