முத்தையாபுரத்தில் கஞ்சா விற்க முயன்றவர் கைது

ஸ்பிக்நகர்:

தூத்துக்குடி முத்தையாபுரம் போலீஸ் சப்-இன்ஸ்பெக்டர் சதீஷ் மற்றும் போலீசார் முத்தையாபுரம் அருகே உள்ள உப்பாற்று ஓடை பகுதியில் நேற்று ரோந்து பணியில் ஈடுபட்டிருந்தனர். அப்போது சந்தேகப்படும்படியாக நின்று கொண்டிருந்த ஒருவரை பிடித்து விசாரணை நடத்தினர். அதில் அவர் தூத்துக்குடி மட்டக்கடையை சேர்ந்த கணேசன் மகன் ஹரிகரன் (வயது 21) என்பதும், அவர் விற்பனைக்காக கஞ்சா மறைத்து வைத்திருந்ததும் தெரியவந்தது. இதையடுத்து அவரை போலீசார் கைது செய்து, அவரிடம் இருந்து 1 கிலோ 100 கிராம் எடையுள்ள கஞ்சாவை பறிமுதல் செய்தனர்.