<
ஈரோடு மாவட்டத்தில் 2 பெண்கள் உள்பட 4 பேர் கொரோனாவுக்கு பலி- மேலும் 1,352 பேருக்கு தொற்று
ஈரோடு மாவட்டத்தில் 2 பெண்கள் உள்பட 4 பேர் கொரோனாவுக்கு பலியாகினர். மேலும் மாவட்டத்தில் 1,352 பேருக்கு கொரோனா தொற்று ஏற்பட்டு உள்ளது.
ஈரோடு
ஈரோடு மாவட்டத்தில் 2 பெண்கள் உள்பட 4 பேர் கொரோனாவுக்கு பலியாகினர். மேலும் மாவட்டத்தில் 1,352 பேருக்கு கொரோனா தொற்று ஏற்பட்டு உள்ளது.
1,352 பேருக்கு தொற்று
ஈரோடு மாவட்டத்தில் கொரோனா வைரசின் 2-வது அலை வேகமாக பரவி வந்த நிலையில் நேற்று பாதிப்பு சற்று குறைந்துள்ளது. இந்தநிலையில் ஈரோடு மாவட்டத்தில் நேற்று மேலும் புதிதாக 1,352 பேருக்கு கொரோனா தொற்று உறுதி செய்யப்பட்டு உள்ளது.
இவர்கள் சிகிச்சைக்காக பல்வேறு மருத்துவமனைகளில் அனுமதிக்கப்பட்டு உள்ளனர்.
இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 43 ஆயிரத்து 346 ஆக உயர்ந்தது.
4 பேர் பலி
இதற்கிடையில் ஈரோட்டை சேர்ந்த 89 வயது முதியவருக்கு கொரோனா பாதிப்பு ஏற்பட்டு சிகிச்சைக்காக ஈரோடு அரசு ஆஸ்பத்திரியில் அனுமதிக்கப்பட்டார். அங்கு டாக்டர்கள் அவருக்கு தீவிர சிகிச்சை அளித்து வந்தனர். இந்நிலையில் கடந்த 16-ந்தேதி முதியவர் சிகிச்சை பலனின்றி இறந்தார்.
மேலும் ஈரோட்டில் உள்ள ஒரு தனியார் மருத்துவமனையில் கொரோனாவுக்காக சிகிச்சை பெற்றுவந்த 50 வயது பெண், கோவை அரசு மருத்துவ கல்லூரி மருத்துவமனையில் சிகிச்சை பெற்று வந்த 41 வயது ஆண் ஆகியோர் கடந்த 21-ந்தேதியும், ஈரோட்டில் உள்ள ஒரு தனியார் மருத்துவமனையில் சிகிச்சை பெற்று வந்த 87 வயது மூதாட்டி நேற்று முன்தினமும் இறந்தனர்.
இதனால் மாவட்டத்தில் கொரோனா பலி எண்ணிக்கை 240 ஆக உயர்ந்தது.
11,198 பேர் சிகிச்சை
மேலும் பல்வேறு மருத்துவமனைகளில் சிகிச்சை பெற்று வந்த 621 பேர் நேற்று குணமடைந்து வீடு திரும்பினர். மாவட்டத்தில் இதுவரை மொத்தம் 31 ஆயிரத்து 908 பேர் கொரோனா வைரஸ் தொற்றில் இருந்து மீண்டு உள்ளனர். மேலும் கொரோனாவுக்காக சிகிச்சை பெறுபவர்களின் எண்ணிக்கை 11 ஆயிரத்தை கடந்துள்ளது.
தற்போது தொற்று உள்ள 11 ஆயிரத்து 198 பேர் பல்வேறு மருத்துவமனைகள் மற்றும் கொரோனா சிகிச்சை மையங்களில் சிகிச்சை பெற்று வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
