தர்மபுரி அருகே வாகனம் மோதி முதியவர் பலி

தர்மபுரி,

தர்மபுரி மாவட்டம் கோணங்கி நாயக்கன அள்ளி பகுதியில் உள்ள பஸ் நிறுத்தம் அருகே 60 வயது மதிக்கத்தக்க முதியவர் நடந்து சென்று கொண்டிருந்தார். அப்போது அந்த வழியாக சென்ற  வாகனம் அவர் மீது மோதி விட்டு நிற்காமல் சென்று விட்டது. இந்த விபத்தில் படுகாயமடைந்த அந்த முதியவர் சம்பவ இடத்திலேயே பலியானார். இதுபற்றி தகவல் அறிந்த கிருஷ்ணாபுரம் போலீசார் சம்பவ இடத்திற்கு சென்று இறந்தவரின் உடலை கைப்பற்றி பிரேத பரிசோதனைக்கு அனுப்பி வைத்தனர். இறந்தவர் யார்? எந்த ஊரை சேர்ந்தவர்? என்ற விவரங்கள் உடனடியாக தெரியவில்லை. இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.