2 கார்கள், 150 இருசக்கர வாகனங்கள் பறிமுதல்

சிவகங்கை மாவட்டத்தில் நேற்று தளர்வில்லா முழு ஊரடங்கையொட்டி கட்டுப்பாடுகள் தீவிரப்படுத்தப்பட்டன. இ-பதிவு இல்லாமல் விதிமுறை மீறிய வாகனங்களில் சுற்றியவர்கள் கண்டிக்கப்பட்டனர். அவர்கள் சென்ற வாகனங்கள் பறிமுதல் செய்யப்பட்டன. அதன்படி சிவகங்கை சப்-டிவிசன் பகுதியில் ஒரு கார், 35 இருசக்கர வாகனங்களும், காரைக்குடி சப்-டிவிசன் பகுதியில் ஒரு கார்,34 இருசக்கரவாகனங்களும், திருப்பத்தூர் சப்-டிவிசன் பகுதியில் 31 இருசக்கர வாகனங்களும், தேவகோட்டை சப்-டிவிசன் பகுதியில் 23 இருசக்கர வாகனங்களும், மானாமதுரை சப்-டிவிசன் பகுதியில் 27 இருசக்கர வாகனங்களும் பறிமுதல் செய்யப்பட்டன. மாவட்டம் முழுவதும் 2 கார்கள் மற்றும ்150 இருசக்கர வாகனங்களை போலீசார் பறிமுதல் செய்தனர்.
இது தொடர்பாக போலீஸ் சூப்பிரண்டு ராஜராஜன் கூறியதாவது:- சிவகங்கை மாவட்டத்தில் நேற்று முழு ஊரடங்கு உத்தரவை மீறி தேவையில்லாமல் தெருக்களில் திரிந்த 2 கார் மற்றும் 150 இருசக்கர வாகனங்கள் பறிமுதல் செய்யப்பட்டுள்ளது தொடர்ந்து காரணமில்லாமல் தெருக்களில் திரிபவர்களின் வாகனங்களை பறிமுதல் செய்வதுடன் அவர்கள் மீது வழக்கும்பதிவு செய்யப்படும் எனவே பொதுமக்கள் மற்றும் இளைஞர்கள் தேவையில்லாமல் வெளியே வர வேண்டாம்.
இவ்வாறு அவர் கூறினார்.