தளர்வுகள் இல்லாத முழு ஊரடங்கு:திருச்சியில் சாலைகள் வெறிச்சோடின

திருச்சி
தமிழகத்தில் கொரோனா பரவலைகட்டுப்படுத்துவதற்காக 24-ந் தேதி  முதல் வரும் 31-ந் தேதி வரை தளர்வுகள் இல்லாத முழு ஊரடங்கு அமல்படுத்தப்பட்டுள்ளது. இந்த ஊரடங்கின்போது  காய்கறி மற்றும் மளிகை பொருட்கள் வீடுகளுக்கே சென்று வினியோகம் செய்யும் திட்டமும் தொடங்கி வைக்கப்பட்டது.முழு ஊரடங்கு அமலுக்கு வந்ததால் திருச்சி மாநகரில் பல சாலைகள் வெறிச்சோடின.  மாநகரத்தில் 8 சோதனைச் சாவடிகள் உள்பட 14 இடங்களில் தற்காலிக சோதனை சாவடிகள் அமைத்து போலீசார் தீவிர வாகன தணிக்கையில் ஈடுபட்டனர்.