சேலம்-சென்னை விமான சேவை 2-வது முறையாக ரத்து

ஓமலூர்:

கொரோனா இரண்டாவது அலையின் காரணமாக தமிழகத்தில் வருகிற 31-ந் தேதி வரை முழு ஊரடங்கை தமிழக அரசு அமல்படுத்தி உள்ளது. இந்நிலையில் கடந்த 10-ந் தேதி முதல் 22-ந் தேதி வரை 10  நாட்களுக்கு சேலம்-சென்னை இடையே விமான சேவை ரத்து செய்யப்பட்டது. அதன்பிறகு 23-ந் தேதி இந்த விமான சேவை வழக்கம் போல் தொடங்கியது. ஆனால் பயணிகள் எண்ணிக்கை மிகவும் குறைந்தது. மேலும் பயணம் செய்ய முன்பதிவு செய்தவர்களும் கொரோனா அச்சம் காரணமாக தங்களது முன் பதிவை ரத்து செய்து வருவதால் பயணிகள் எண்ணிக்கை வெகுவாக குறைந்து கொண்டே வந்தது. இதனால் வருகிற 31-ந் தேதி வரை‌ சேலம்-சென்னை இடையே மீண்டும் விமான சேவை ரத்து செய்யப்பட்டுள்ளதாக சேலம் விமான நிலைய இயக்குனர் ரவீந்திர வர்மா தெரிவித்துள்ளார்.