டாஸ்மாக் கடையில் துளை போட்டு ரூ.1½ லட்சம் மதுபாட்டில்களை அள்ளிச்சென்ற கொள்ளையர்கள்

தமிழகத்தில் கொரோனா பரவல் காரணமாக கடந்த 10-ந்தேதி முதல் முழு ஊரடங்கு அமல்படுத்தப்பட்டு வருகிறது. இதனால் டாஸ்மாக் கடைகளும் அடைக்கப்பட்டுள்ளன.
நேற்று முன்தினம் இரவு போலீசார் ரோந்து சென்றதை நோட்டமிட்ட மர்ம ஆசாமிகள் அதன் பின்னர் அந்த கடையின் முன்பக்கம் பொருத்தப்பட்டிருந்த இரும்பு கேட்டை உடைக்க முயன்றனர்.
கேட்டை உடைக்க முடியாததால் கடையின் பின்புறத்தின் சுவரில் ஒரு ஆள் உள்ளே இறங்கும் அளவிற்கு துளை போட்டு அதன் வழியாக உள்ளே சென்று கடையின் உள்ளே இருந்த கண்காணிப்பு கேமராவை மேல்நோக்கி திருப்பி வைத்தனர்.
பின்னர் அங்கிருந்த ரூ.1½ லட்சம் மதிப்பிலான மதுப்பாட்டில்கள் வைக்கப்பட்டிருந்த அட்டை பெட்டிகளோடு அள்ளிச் சென்றனர். இந்த சம்பவம் குறித்து தகவலறிந்த கல்லல் போலீஸ் இன்ஸ்பெக்டர் ஜோதிபாசு, சப்-இன்ஸ்பெக்டர் சரவணக்குமார் தலைமையிலான போலீசார் அங்கு விரைந்து சென்று விசாரணை நடத்தினர். மேலும் சிவகங்கையில் இருந்து வந்த கைரேகை பிரிவு போலீசாரும் அங்கு தடயங்களை பதிவு செய்தனர். இச்சம்பவம் குறித்து கல்லல் போலீசார் வழக்கு பதிவு செய்து கொள்ளையர்களை தேடி வருகின்றனர்.