மாரண்டஅள்ளி அருகே சாராயம் காய்ச்சிய விவசாயி கைது

பாலக்கோடு:

மாரண்டஅள்ளி அருகே பானையன் கொட்டாய் கிராமத்தை சேர்ந்தவர் விவசாயி ராஜகோபால் (வயது 48). இவர் அவருடைய வீட்டின் பின்புறம் உள்ள தோட்டத்தில் சாராயம் காய்ச்சுவதாக மாரண்டஅள்ளி போலீசாருக்கு தகவல் கிடைத்தது. இதையடுத்து போலீசார் அவருடைய தோட்டத்திற்க்கு சென்று பார்த்ததில் ராஜகோபால் சாராயம் காய்ச்சி கொண்டிகுந்தது தெரியவந்தது. பின்னர் சாராயம் தயாரிக்க வைத்திருந்த 100 லிட்டர் ஊறலை பேரலிலிருந்து கீழே கொட்டி அழித்த போலீசார் ராஜகோபாலை கைது செய்தனர். மேலும் அவரிடம் இருந்து 5 லிட்டர் சாராயம் பறிமுதல் செய்யப்பட்டது.

=======