சாராயம் விற்ற 2 பேர் கைது

பொம்மிடி, மே.29-

பாப்பிரெட்டிப்பட்டி அருகே உள்ள கோம்பூர் கிராமத்தை சேர்ந்தவர் விஜயகுமார் (வயது 35). அதே பகுதியை சேர்ந்தவர் அண்ணாமலை (58). இவர்கள் 2 பேரும் சேலம் மாவட்டம் அருநூத்துமலை கிராமத்தில் இருந்து சாராயத்தை கடத்தி வந்து கோம்பூர் கிராமத்தில் வைத்து விற்பனை செய்து கொண்டிருந்தனர். இதுகுறித்து தகவல் அறிந்து அங்கு சென்ற பாப்பிரெட்டிப்பட்டி போலீசார் சாராயம் விற்று கொண்டிருந்த விஜயகுமார், அண்ணாமலை ஆகியோரை கைது செய்தனர். அவர்களிடம் இருந்து தலா 5 லிட்டர் சாராயம் பறிமுதல் செய்யப்பட்டது.

========