<
நெற்பயிரில் இலை சிலந்திகள் தாக்குதலை கட்டுப்படுத்தும் முறை வேளாண்மை அறிவியல் நிலையம் விளக்கம்
நெற்பயிரில் இலை சிலந்திகள் தாக்குதலை கட்டுப்படுத்தும் முறை குறித்து வேளாண்மை அறிவியல் நிலையம் விளக்கம் அளித்துள்ளது.
நீடாமங்கலம்:-
நெற்பயிரில் இலை சிலந்திகள் தாக்குதலை கட்டுப்படுத்தும் முறை குறித்து வேளாண்மை அறிவியல் நிலையம் விளக்கம் அளித்துள்ளது.
இதுதொடர்பாக நீடாமங்கலம் வேளாண்மை அறிவியல் நிலையம் சார்பில் திட்ட ஒருங்கிணைப்பாளர் ராமசுப்பிரமணியன், பூச்சியியல் துறை உதவி பேராசிரியர் ராதாகிருஷ்ணன் ஆகியோர் வெளியிட்டுள்ள செய்திக்குறிப்பில் கூறியிருப்பதாவது:-
இலை சிலந்திகள்
தற்போது கோடை பருவம் என்பதால், நெல் வயலில் இலை சிலந்தி தாக்குதல் ஆங்காங்கே பரவலாக தென்படுகிறது. தாக்கப்பட்ட இலையின் மேற்பரப்பில் வெள்ளை அல்லது மஞ்சள் நிற புள்ளிகள் தென்படும்.
இந்த புள்ளிகள் நாளடைவில் ஒன்றோடொன்று இணைந்து இலைகள் முழுவதும் பரவி இலைகள் காய்ந்து விடும். இலையின் அடிப்பகுதியில் 50-க்கும் மேற்பட்ட இலை சிலந்திகள் இருப்பதை நுண்ணோக்கி மூலம் காணலாம். இது ஒரு பூச்சிகள் அல்லாத சாறு உறிஞ்சும் சிலந்திகள் இனத்தை சார்ந்தவை.
ஈரப்பதம்
விட்டுவிட்டு பெய்யும் மழை தூறல்கள் மற்றும் இரவுநேர காற்றின் ஈரப்பதம் அதிகமாக இருந்தால் சிலந்திகளின் தாக்குதல் அதிகமாக தென்படும். இதனை கட்டுப்படுத்த ‘அசாடிராக்டின்’ 0.003 சதவீதம் வயலில் தெளிக்கவேண்டும்.
செயற்கையாக கட்டுப்படுத்த வேண்டும் என்றால் ‘டைக்கோபோல்’ 500 கிராம் ஒரு ஏக்கருக்கு மாலை நேரத்தில் கைத்தெளிப்பான் கொண்டு தெளிக்க வேண்டும். இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
