கொரோனாவால் பெற்றோரை பறிகொடுத்த குழந்தைகளை பாதுகாக்க கலெக்டர் தலைமையில் குழு அமைப்பு

சிவகங்கை மாவட்டத்தில் கொரோனாவால் பாதித்து பெற்றோரை இழந்த குழந்தைகளை பாதுகாத்து, பராமரிக்க கலெக்டர் தலைமையில் குழு அமைத்து செயல்பட அரசு உத்தரவிட்டது. இதன்படி 9 பேர் கொண்ட குழு அமைக்கபட்டுள்ளது.
இந்த குழு 15 நாட்களுக்கு ஒருமுறை பெற்றோரை இழந்த குழந்தைகளின் பாதுகாப்பு குறித்து அறிக்கை அளிக்க வேண்டும். கொரோனாவால் பாதித்த, இறந்தவர்களின் குழந்தைகள் நிலை குறித்து கண்டறிந்து, அவர்களுக்கு உதவ நடவடிக்கை எடுக்க உதவும். அரசின் உதவித்தொகை அவர்களுக்கு கிடைக்க வழிவகை செய்யும்.
இந்த தகவலை மாவட்ட நிர்வாகம் தெரிவித்து உள்ளது.