நல்லம்பள்ளி அருகே பாம்பு கடித்து மாணவி சாவு

நல்லம்பள்ளி:

நல்லம்பள்ளியை அடுத்த சாமிசெட்டிப்பட்டி கிராமத்தை சேர்ந்தவர் ராஜா, இவரது மகள் மேகவர்ஷினி (வயது 19). இவர் தர்மபுரியை அடுத்த கடகத்தூர் அரசு தொழில்நுட்பக்கல்லூரியில் பட்டயப்படிப்பு முதலாம் ஆண்டு படித்து வந்தார். இந்த நிலையில் கடந்த 31-ந் தேதி தங்களது வீட்டருகே சமையல் செய்வதற்காக விறகு கட்டைகள் எடுக்க சென்றபோது அங்கு பதுங்கி இருந்த பாம்பு மேகவர்ஷினியை கடித்தது. இதையடுத்து அவரை சிகிச்சைக்காக அவரது உறவினர்கள் தர்மபுரி அரசு மருத்துவமனையில் சேர்த்தனர். அங்கு சிகிச்சை பெற்று வந்த மேகவர்ஷினி நேற்று பலனின்றி பரிதாபமாக இறந்தார். இதுகுறித்து தொப்பூர் போலீசார் வழக்குப்பதிவு செய்து விசாரணை நடத்தி வருகின்றனர்.

,,,,,,,,,,,,,