காரைக்குடியில் ரெயில் பயணிகளிடம் போலீசார் தீவிர சோதனை

 இந்த நிலையில் வெளிமாநிலங்களில் இருந்து தமிழகத்திற்கு வரும் ரெயில்களில் அந்த மாநிலத்தில் இருந்து விற்பனைக்காக மதுபாட்டில்கள் கடத்தி வரும் சம்பவம் நடந்து வருகிறது. கடந்த சில தினங்களுக்கு முன்பு கர்நாடக மாநிலம் பெங்களூருவில் இருந்து திண்டுக்கல் வழியாக தூத்துக்குடிக்கு இயக்கப்பட்ட எக்ஸ்பிரஸ் ரெயிலில் மதுபாட்டில் கடத்தி வருவதாக ரெயில்வே போலீசாருக்கு தகவல் கிடைத்தது.
காரைக்குடி ரெயில்வே நிலையம் வழியாக தினந்தோறும் சென்னை-ராமேசுவரம், சென்னை-காரைக்குடி, சென்னை-செங்கோட்டை ஆகிய விரைவு ரெயில்களும், திருச்சி-ராமேசுவரம், கோவை-ராமேசுவரம், காரைக்குடி-திருச்சி ஆகிய பயணிகள் ரெயில்களும், ராமேசுவரம்-வாரணாசி, ராமேசுவரம்-புவனேஸ்வர் ஆகிய வாராந்திர ரெயில்களும் இயக்கப்பட்டு வருகின்றன.
 காரைக்குடி ரெயில்வே போலீஸ் இன்ஸ்பெக்டர் மீனாட்சி மேற்பார்வையில், சப்-இன்ஸ்பெக்டர் ராஜராஜன் தலைமையில் 7 பேர் கொண்ட போலீசார் காரைக்குடிக்கு ரெயில்களில் வரும் பயணிகளின் உடைமைகள் மற்றும் ரெயில்களின் பெட்டிகளில் மதுபாட்டில்கள் மறைத்து வைக்கப்பட்டு இருக்கிறதா? என தீவிரமாக சோதனை நடத்தினர்.