ஆரம்ப சுகாதார நிலையங்களில் இன்று முதல் கொரோனா தடுப்பூசி போடப்படும்-கலெக்டர் தகவல்

கொரோனா பரவலை தடுக்க தற்போது தடுப்பூசி போடப்படுகிறது. ஆரம்பத்தில் 45 வயதிற்கு மேற்பட்டவர்களுக்கு கொரோனா தடுப்பூசி போடப்பட்டது.பின்னர் 2-வது கட்டமாக 18 வயதிற்கு மேற்பட்டவர்களுக்கும் தடுப்பூசி போட அரசு அனுமதியளித்தது. இதனால் சிவகங்கை மாவட்டத்தில் ஏராளமானவர்கள் ஆர்வத்துடன் சென்று தடுப்பூசி போட்டு கொண்டனர்.
இது தொடர்பாக மாவட்ட கலெக்டர் மதுசூதன்ரெட்டி கூறியதாவது:-
சிவகங்கை மாவட்டத்தில் ஏற்கனவே ஆயிரம் டோஸ் தடுப்பூசி கையிருப்பில் உள்ளது. நேற்று மேலும் 4 ஆயிரத்து 500 டோஸ் தடுப்பூசி வந்துள்ளது. அதனால் இன்று (3-ந்தேதி) முதல் தொடர்ந்து ஆரம்ப சுகாதார நிலையங்களில் தடுப்பூசி போடப்படும்.
இன்று முதல் 18 வயதிற்கு மேற்பட்டவர்கள் மற்றும் 45 வயதிற்கு மேற்பட்டவர்கள் ஆகிய 2 பிரிவினர்களுக்கும் தடுப்பூசி போடப்படும்.
இவ்வாறு அவர் கூறினார்.