வேப்பனப்பள்ளி அருகே மதுபாட்டில்களை கடத்திய 7 பேர் கைது

வேப்பனப்பள்ளி:

வேப்பனப்பள்ளி அருகே உள்ள தமிழக எல்லையில் போலீசார் தீவிர வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிள்கள், காரில் கர்நாடக மாநில மதுபாட்டில்களை கடத்தி வந்தவர்களை பிடித்து விசாரித்தனர். அதில் அவர்கள் பூதிமுட்லு கிராமத்தை ஏர்ந்த ராஜ்வேல் (வயது 37), பெரியபெம்மரசனபள்ளியை சேர்ந்த வெங்கடேசன் (42), மாதேப்பள்ளியை சேர்ந்த சீனிவாசன் (47), மலையாண்டப்பள்ளியை சேர்ந்த அன்பரசன் (27), ஜீனூரை சேர்ந்த சரவணன், சங்கரன் மற்றும் திருவண்ணாமலை மாவட்டத்தை சேர்ந்த திருமால் ஆகிய 7 பேர் என்பதும், கர்நாடக மாநிலத்தில் இருந்து மதுபாட்டில்களை கடத்தி வந்ததும் தெரிந்தது. இதையடுத்து அவர்கள் 7 பேரையும் கைது செய்த போலீசார், 8 வாகனங்கள் மற்றும் ரூ.90 ஆயிரம் மதிப்பிலான மதுபானங்களை பறிமுதல் செய்தனர். மேலும் ஒருவரை தேடி வருகின்றனர்.