<
கோவைக்கு 5 வது தவணையாக 32 டன் ஆக்சிஜன் ரெயில் மூலம் வந்தது
கோவைக்கு 5 வது தவணையாக 32 டன் ஆக்சிஜன் ரெயில் மூலம் வந்தது
கோவை
தமிழகத்தில் மருத்துவ ஆக்சிஜன் தட்டுப்பாட்டை போக்கும் வகையில் பல்வேறு மாநிலங்களில் இருந்து ரெயில்கள் மூலம் ஆக்சிஜன் பெறப்பட்டு வருகிறது.
கடந்த 20-ந் தேதி கோவைக்கு முதல் தவணையாக 29.24 டன் திரவ ஆக்சிஜன் ரெயில் மூலம் கொண்டு வரப்பட்டது.
2-ம் தவணையாக கடந்த 23-ந்தேதி 2 டேங்கர் லாரிகளுடன், 19.54 டன் ஆக்சிஜன் ஒடிசாவில் இருந்து கோவைக்கு கொண்டு வரப்பட்டது.
27-ந் தேதி 3-வது தவணையாக 6 டேங்கர் லாரி மூலம் 89.28 டன்னும், 4 -வது தவணையாக கடந்த 31-ந் தேதி 65.34 டன் ஆக்சிஜனும் மதுக்கரை வந்தன.
இந்த நிலையில் 5-வது தவணையாக 32.28 டன் ஆக்சிஜன் மதுக்கரை ரெயில்நிலையத்தில் இருந்து 2 டேங்கர் லாரிகளில் இறக்கப் பட்டு பலத்த போலீஸ் பாதுகாப்புடன் கணபதியில் உள்ள ஆக்சிஜன் உற்பத்தி நிலையத்திற்கு கொண்டு செல்லப்பட்டது.
பின்னர் அங்கிருந்து மருத்துவமனைகளுக்கு அனுப்பி வைக்கப்படுகிறது. இதுவரை மொத்தம் 235.68 டன் ஆக்சிஜன் கோவை வந்து இருப்பதாக ரெயில்வே அதிகாரிகள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
