<
பெண்கள் உள்பட 9 பேர் கொரோனாவுக்கு பலி
திண்டுக்கல், பழனி, வேடசந்தூர் உள்ளிட்ட பகுதிகளை சேர்ந்த மேலும் 9 பேர் கொரோனாவால் பாதிக்கப்பட்டு சிகிச்சை பலனின்றி இறந்தனர்.
திண்டுக்கல்:
திண்டுக்கல் மாவட்டத்தில் கொரோனா வைரசின் பாதிப்பால் தினமும் பலர் உயிரிழக்கின்றனர். இதனால் இறப்பு எண்ணிக்கை உயர்ந்து கொண்டே இருக்கிறது.
அதன்படி நேற்று முன்தினம் வரை 419 பேர் கொரோனாவால் இறந்தனர். இந்த நிலையில் நேற்று திண்டுக்கல், பழனி, வேடசந்தூர் உள்ளிட்ட பகுதிகளை சேர்ந்த மேலும் 9 பேர் கொரோனாவால் பாதிக்கப்பட்டு சிகிச்சை பலனின்றி இறந்தனர்.
இதில் 2 பேர் பெண்கள் ஆவர். மேலும் இறந்தவர்களில் 40 முதல் 50 வயதுக்குள் 2 பேரும், 50 வயதுக்கு மேல் 60 வயதுக்குள் 3 பேரும், 60 வயதுக்கு மேல் 4 பேரும் உள்ளனர். இதனால் கொரோனா வைரசால் இறந்தவர்களின் எண்ணிக்கை 428 ஆக உயர்ந்தது.
இதற்கிடையே 12 சிறுவர்கள், 48 பெண்கள் உள்பட மேலும் 325 பேருக்கு நேற்று கொரோனா பாதிப்பு கண்டறியப்பட்டது. இதனால் மாவட்டத்தின் மொத்த பாதிப்பு 27 ஆயிரத்து 948 ஆக உயர்ந்தது.
அதேநேரம் 497 பேர் கொரோனாவில் இருந்து குணமடைந்து வீடு திரும்பினர். இதனால் குணமடைந்தவர்களின் எண்ணிக்கை 24 ஆயிரத்து 557 ஆனது. நேற்றைய நிலவரப்படி 2 ஆயிரத்து 963 பேர் சிகிச்சையில் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
