வீடு, வீடாக சென்று கணக்கெடுக்கும் பணி தீவிரம்

சிவகங்கை மாவட்ட கலெக்டர் மதுசூதன்ரெட்டி, விடுத்துள்ள செய்திக்குறிப்பில் கூறியுள்ளதாவது:-
சிவகங்கை மாவட்டத்தில் கொரோனா ஒழிப்பு பணி தீவிரமாக நடைபெற்று வருகிறது. கொரோனா நோய்த்தொற்றை ஆரம்ப நிலையிலேயே கண்டறிந்து சிகிச்சை அளிப்பதன் மூலம் அதிக பாதிப்பு மற்றும் இறப்பினை தடுக்கலாம்.
 சிகிச்சை தேவையுள்ளவர்களை உடனடியாக அருகில் உள்ள ஆரம்ப சுகாதார நிலைய மருத்துவமனைக்கு அனுப்பி வைத்து சிகிச்சை அளிக்க உதவி செய்வார்கள். இதுவரை, இம்மாவட்டத்தில் 91 ஆயிரத்து 953 வீடுகளில் கணக்கெடுப்பு நடத்தப்பட்டுள்ளது. இதில் 338 பேருக்கு அறிகுறிகள் கண்டறியப்பட்டு சிகிச்சை அளிக்கப்பட்டுள்ளது. பொதுமக்கள் அனைவரும் தாங்கள் வீடுதேடி வரும் சுகாதார பணியாளர்கள் மற்றும் மகளிர்சுயஉதவிக்குழு உறுப்பினருக்கு உரிய விவரங்கள் கொடுக்க வேண்டும். மேலும் நோய் அறிகுறிகள் இருப்பின் தெரிவித்து சிகிச்சை பெற்றுகொள்ள வேண்டும்.
இவ்வாறு அதில் அவர் கூறியுள்ளார்.