கொரோனாவுக்கு 6 பேர் பலி

சிவகங்கை மாவட்டத்தில் கொரோனா பரவலை கட்டுப்படுத்த மாவட்ட நிர்வாகம் தொடர்ந்து நடவடிக்கை எடுத்து வருகிறது. இதனால் கடந்த 2 நாட்களாக கொரோனா தொற்று குறைய தொடங்கியுள்ளது. இந்த நிலையில் நேற்று ஒரே நாளில் 125 பேருக்கு தொற்று உறுதி செய்யப்பட்டது.
மேலும் கொரோனா தொற்று காரணமாக சிவகங்கை மாவட்டத்தை சேர்ந்த 6 பேர் இறந்தனர். இதில் சிவகங்கை மாவட்டத்தை சேர்ந்த 53 வயதுள்ள ஆண் ஒருவரும், 65 வயதுள்ள மூதாட்டி ஒருவரும் 55 வயதுள்ள ஆண் ஒருவரும், 82 வயதுள்ள முதியவர் ஒருவரும், மதுரையில் உள்ள தனியார் மருத்துவமனையில் இறந்தனர்.
இதேபோல் சிவகங்கை மாவட்டத்தை சேர்ந்த 68 வயதுள்ள முதியவர் ஒருவர் புதுக்கோட்டை அரசுமருத்துவ கல்லூரி மருத்துவமனையிலும், 63 வயதுள்ள முதியவர் ஒருவர் திருச்சி தனியார் மருத்துவமனையிலும் சிகிச்சை பலனின்றி இறந்தனர்.