வேனில் கடத்திய 54 மூடை ரேஷன் அரிசி பறிமுதல்-2 பேர் கைது

ராமநாதபுரம் மாவட்டம் பரமக்குடியில் இருந்து மதுரைக்கு ஒரு சரக்கு வேன் சென்றது. மானாமதுரை அருகே எம்.கரிசல்குளம் பகுதியில் அமைக்கப்பட்டுள்ள சோதனைச்சாவடியில் சிறப்பு சப்-இன்ஸ்பெக்டர் அருள் மற்றும் போலீசார் அந்த சரக்கு வாகனத்தை தடுத்து நிறுத்தி சோதனை செய்தனர்.
விசாரணையில் இவர்கள் பரமக்குடி பகுதியில் இருந்து மதுரைக்கு கள்ளச்சந்தையில் விற்பதற்காக ரேஷன் அரிசி மூடைகளை கடத்திச் சென்றது தெரியவந்தது. இதையடுத்து போலீசார் அரிசி மூடைகளையும் கடத்தலுக்கு பயன்படுத்தப்பட்ட சரக்கு வேனையும் பறிமுதல் செய்தனர்.
இந்த சம்பவம் குறித்து வழக்குப்பதிவு செய்த மானாமதுரை போலீசார் இருவரையும் கைது செய்தனர்.