மாவட்ட செய்திகள்

புனே நகரில் அமலுக்கு வரவுள்ள தளர்வுகள் என்ன? புனே மாநகராட்சி விளக்கம் + "||" + What are the upcoming relaxations in Pune? Pune Corporation Description

புனே நகரில் அமலுக்கு வரவுள்ள தளர்வுகள் என்ன? புனே மாநகராட்சி விளக்கம்

புனே நகரில் அமலுக்கு வரவுள்ள தளர்வுகள் என்ன?  புனே மாநகராட்சி விளக்கம்
புனே நகரில் அமலுக்கு வரவுள்ள தளர்வுகள் என்ன என்பது குறித்து மாநகராட்சி விளக்கம் அளித்து உள்ளது.
ஓட்டல், மதுபானவிடுதி
மராட்டியத்தில் கொரோனா பாதிப்பு அடிப்படையில் நகரங்கள் 5 பிரிவுகளாக பிரிக்கப்பட்டு தளர்வுகள் அறிவிக்கப்பட்டுள்ளன. இதில் புனே, பிம்பிரி சிஞ்வட் மாநகராட்சி பகுதியில் பிரிவு 3-ல் இடம்பிடித்து உள்ளது. புனே மாநகராட்சி பகுதியில் கொரோனா பாதிப்பு சதவீதம் 6.11 ஆக உள்ளது. 27.47 சதவீதம் ஆக்சிஜன் படுக்கைகள் ஆக்கிரமிக்கப்பட்டுள்ளன. இந்தநிலையில் இன்று(திங்கள்) முதல் புனே மாநகராட்சி பகுதியில் அமலுக்கு வர உள்ள தளர்வுகள் விவரத்தை மாநகராட்சி தெரிவித்து உள்ளது. அதன் விவரம் வருமாறு:- ஓட்டல், உணவகங்கள், மதுபான விடுதிகள், உணவு வளாகங்கள் 50 
சதவீத வாடிக்கையாளர்களுடன் மாலை 4 மணி வரை திறந்து இருக்கலாம். இதேபோல மற்ற அனைத்து கடைகளும் மாலை 4 மணி வரை செயல்படலாம். இதில் அத்தியாவசிய கடைகள் வாரம் முழுவதும், அத்தியாவசியம் இல்லாத கடைகள் வார நாட்களில் மட்டும் திறந்து வைக்க அனுமதி வழங்கப்பட்டுள்ளது.

பஸ்களில் அனுமதி
இதேபோல பூங்காக்கள், விளையாட்டு மைதானம் போன்ற பொது இடங்கள் காலை 5 மணி முதல் 9 மணி வரை திறந்து இருக்கும். உடற்பயிற்சி கூடங்கள், சலூன், அழகு நிலையங்கள் உள்ளிட்டவை ஏ.சி. பயன்படுத்தாமல் மாலை 4 மணி வரை 50 சதவீத வாடிக்கையாளர்களுடன் செயல்படலாம்.இதேபோல புனே நகரில் மாநகர பஸ்களில் 50 சதவீதம் பயணிகள் பயணம் செய்ய அனுமதி 
வழங்கப்பட்டுள்ளது.திருமணங்களில் 50 பேரும், இறுதி சடங்கில் 20 போ் வரையும் கலந்து கொள்ளலாம். இதேபோல அத்தியாவசிய காரணம் இல்லாமல் பொதுமக்கள் மாலை 5 மணிக்கு மேல் வெளியில் சுற்றக்கூடாது.

இவ்வாறு அதில் தெரிவிக்கப்பட்டுள்ளது.

இதே தளர்வுகள் 3-வது பிரிவில் இடம்பெற்றுள்ள பிம்பிரி சிஞ்வட் மாநகராட்சி பகுதியிலும் இன்று முதல் அமலுக்கு வருகிறது.

தொடர்புடைய செய்திகள்

1. அமலுக்கு வந்த கூடுதல் தளர்வுகள்: கடைகள் இரவு 9 மணி வரை திறக்கப்பட்டன
தமிழகத்தில் ஊரடங்கு நேர கூடுதல் தளர்வுகள் நேற்று முதல் அமலுக்கு வந்தன. மாநிலம் முழுவதும் கடைகள் இரவு 9 மணி வரை திறக்கப்பட்டன.
2. ஊரடங்கு தளர்வுகள்? முதல்-அமைச்சர் மு.க.ஸ்டாலின் நாளை ஆலோசனை
தமிழகத்தில் அமலில் இருக்கும் ஊரடங்கில் தளர்வுகள் வழங்குவது தொடர்பாக முதல்-அமைச்சர் மு.க.ஸ்டாலின் நாளை ஆலோசனை நடத்த உள்ளார்.
3. கர்நாடகாவில் ஊரடங்கில் மேலும் தளர்வுகள்: எடியூரப்பா அறிவிப்பு
கர்நாடக மாநிலத்தில் ஊரடங்கில் அறிவிக்கப்பட்டுள்ள தளர்வுகளின்படி நாளை முதல் அரசு பஸ்கள், மெட்ரோ ரெயில் இயங்க அனுமதி அளிக்கப்பட்டு உள்ளது.
4. இயல்பு வாழ்க்கை மெல்ல மெல்ல திரும்புகிறது தளர்வுகளுடன் கூடிய முழு ஊரடங்கு அமலுக்கு வந்தது
தமிழகம் முழுவதும் தளர்வுகளுடன் கூடிய முழு ஊரடங்கு நேற்று அமலுக்கு வந்தது. மீன் மார்க்கெட்டுகள், காய்கறி, மளிகை மற்றும் இறைச்சி கடைகள் திறக்கப்பட்டன. இயல்பு வாழ்க்கை மெல்ல மெல்ல திரும்ப தொடங்கியிருக்கிறது.
5. முழு ஊரடங்கில் தளர்வுகள் அறிவிப்பு: மீன் மார்க்கெட்டுகள், இறைச்சி கடைகளில் கூட்டம் சேரக்கூடாது வியாபாரிகளுக்கு மாநகராட்சி நிர்வாகம் அறிவுரை
முழு ஊரடங்கில் தளர்வுகள் அறிவிக்கப்பட்டுள்ள நிலையில், மீன் மார்க்கெட்டுகள் மற்றும் இறைச்சி கடைகளில் கூட்டம் சேராதவாறு பார்த்துக்கொள்ள வேண்டும் என வியாபாரிகளுக்கு மாநகராட்சி நிர்வாகம் அறிவுறுத்தி இருக்கிறது.