கிணற்றில் தவறி விழுந்து மூதாட்டி சாவு

திருமயம்,ஜூன்.9-
திருமயம் அருகே உள்ள மகமாயிபுரத்தைச் சேர்ந்தவர் முத்துலட்சுமி (வயது 80). இவர் நமணசமுத்திரம் ரயில் நிலையம் அருகே உள்ள தனது மகள் வீட்டில் வசித்து வந்தார். இதனிடையே முத்துலட்சுமி சற்று மனநலம் பாதிக்கப்பட்டு இருந்ததாக கூறப்படுகிறது. இந்நிலையில் நேற்று முன்தினம் மகள் வீட்டில் இருந்து வெளியேறிய முத்துலட்சுமி நீண்டநேரமாகியும் வீடு திரும்பவில்லை.
 இதனிடையே நமணசமுத்திரம் அருகே உள்ள வலையன்வயல் பகுதியில் கருப்பையா என்பவருக்கு சொந்தமான வயல் கிணற்றில் முத்துலட்சுமி பிணமாக கிடந்தார். இது குறித்த புகாரின் பேரில் நமணசமுத்திரம் போலீசார் வழக்குப்பதிவு செய்து விசாரணை நடத்தி வருகின்றனர். மேலும் முத்துலட்சுமி கிணற்றில் தவறி விழுந்து இறந்து இருக்கலாம் என கூறப்படுகிறது.