‘மதுக்கடை திறப்பில் தி.மு.க. இரட்டை வேடம் போடுகிறது’-எச்.ராஜா கடும் தாக்கு

காரைக்குடியில் பா.ஜ.க முன்னாள் தேசிய செயலாளர் எச்.ராஜா நிருபர்களுக்கு பேட்டி அளித்தார். அப்போது அவர் கூறியதாவது:-
தி.மு.க. ஆட்சி குறித்து 100 நாட்கள் வரை ஏதும் கருத்து கூற கூடாது என்ற நிலையில் இருந்த நிலையில் அவர்களின் அராஜக ஆட்சி ஆரம்பத்திலேயே தொடங்கியதால் தற்போது பதில் கூற வேண்டிய நிலை உள்ளது. கோவில்கள் எல்லாம் மூடிய நிலையில் தற்போது மதுக்கடைகள் மட்டும் எவ்வாறு அரசு திறக்கலாம். ஏற்கனவே ஒருவித பயத்துடன் தி.மு.க.விற்கு வாக்களித்த மக்கள் தற்போது ஏன் வாக்களித்தோம் என்று எண்ணி வருகின்றனர். தமிழகத்தில் தி.மு.க. ஆட்சிக்கு வந்ததும் கட்டுமான பொருட்களின் விலையை 3-ல் ஒரு பங்கு உயர்த்தியதால் இனி வரும் காலங்களில் நடுத்தர மக்களால் வீடு கட்ட முடியாத நிலை உருவாகி உள்ளது.
இவ்வாறு அவர் கூறினார்.