கொரட்டூரில் மது பாட்டிலுக்கு ஆரத்தி எடுத்து வரவேற்பு

திரு.வி.க.நகர், 

கொரோனா ஊரடங்கு காரணமாக மூடப்பட்டு இருந்த டாஸ்மாக் கடைகள், தளர்வுகள் அனுமதிக்கப்பட்ட 27 மாவட்டங்களிலும் 35 நாட்களுக்கு பிறகு நேற்று முதல் திறக்கப்பட்டன. இதனால் மதுபிரியர்கள் உற்சாகம் அடைந்தனர். இந்தநிலையில் மதுகுடிப்போருக்கு ஆதரவாக செயல்படும் தமிழ்நாடு மது குடிப்போர் விழிப்புணர்வு சங்கம் சார்பில் மாநில தலைவர் செல்லப்பாண்டியன், மாநில செயலாளர் ஆறுமுகம் ஆகியோர் சென்னை கொரட்டூர் பஸ் நிலையம் அருகே உள்ள ஒரு மதுக்கடை முன்பு மதுபாட்டிலுக்கு வெற்றிலை, பாக்கு, பழம் மற்றும் தேங்காய் உடைத்து ஆரத்தி எடுத்து வரவேற்்றனர். பின்னர் முககவசம் இன்றி மதுவாங்க வந்தவர்களுக்கு முக கவசம் வழங்கினர்.