<
மனைவியுடன் சேர்ந்து வாழ 100 பவுன் நகை வரதட்சணை கேட்டு மிரட்டிய அரசு ஊழியர்
ராணிப்பேட்டையில் மனைவியுடன் சேர்ந்து வாழ 100 பவுன் நகை வரதட்சணை கேட்டு, கொலை மிரட்டல் விடுத்த அரசு ஊழியர் உள்ளிட்ட 5 பேர் மீது போலிசார் வழக்குப் பதிவு செய்து உள்ளனர்.
ராணிப்பேட்டை
போலீசில் புகார்
ராணிப்பேட்டை காந்தி நகர் பகுதியை சேர்ந்தவர் ஹாஜிரா (வயது 27). நர்சாக பணியாற்றுகிறார். இவர் நேற்று ராணிப்பேட்டை மகளிர் போலீசில் புகார் ஒன்றை கொடுத்துள்ளார். அதில் கூறியிருப்பதாவது:-
நான் ஆரம்ப சுகாதார நிலையத்தில் நர்சாக வேலை பார்த்து வருகிறேன். சென்னையில் படிக்கும்போது அரசு ஊழியராக வேலை பார்க்கும் கண்ணன் என்பவரை காதலித்து, 2019-ஆம் ஆண்டு கண்ணன், ரத்தினகிரி கோவிலில் வைத்து என்னை தி்ருமணம் செய்துகொண்டார்.
வரதட்சணை கேட்டு மிரட்டல்
இப்போது சேர்ந்து வாழ, கண்ணன், மற்றும் அவரது குடும்பத்தைச் சேர்ந்த பட்டம்மாள், நரசிம்மன், பாஸ்கர் உள்ளிட்ட 5 பேர் என்னிடம் 100 பவுன் நகை, வீடு வாங்க பணம், கார் உள்ளிட்டவைகளை கேட்டு கொலை மிரட்டல் விடுக்கின்றனர். இது குறித்து நடவடிக்கை எடுக்க வேண்டும் என்று கூறி உள்ளார்.
அதன்பேரில் ராணிப்பேட்டை மகளிர் போலீசார் இது குறித்து 5 பேர் மீது வழக்குப் பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
