<
திருப்பூர் மாநகராட்சியில் பொதுமக்கள் அளிக்கும் மனுக்களுக்கு விரைந்து தீர்வு காண அதிகாரிகளுக்கு ஆணையாளர் உத்தரவிட்டார்.
திருப்பூர் மாநகராட்சியில் பொதுமக்கள் அளிக்கும் மனுக்களுக்கு விரைந்து தீர்வு காண அதிகாரிகளுக்கு ஆணையாளர் உத்தரவிட்டார்.
திருப்பூர்
திருப்பூர் மாநகராட்சியில் பொதுமக்கள் அளிக்கும் மனுக்களுக்கு விரைந்து தீர்வு காண வேண்டும் என்று அதிகாரிகளுக்கு ஆணையாளர் கிராந்தி குமார் பாடி உத்தரவிட்டார்.
ஆணையாளர் ஆய்வு
திருப்பூர் மாநகராட்சி ஆணையாளர் கிராந்தி குமார் பாடி நேற்று காலை கொரோனா தடுப்பு நடவடிக்கைகள் குறித்து மாநகரில் ஆய்வு மேற்கொண்டார். 8, 9, 10 ஆகிய வார்டுகளில் வீடு, வீடாக சென்று காய்ச்சல் கண்டறியும் ஆய்வு மேற்கொள்ளும் களப்பணியாளர்களை சந்தித்து அவர்கள் எவ்வாறு பணியாற்ற வேண்டும் என்று அறிவுரை வழங்கினார்.
இதைத் தொடர்ந்து திருப்பூர் தெற்கு ரோட்டரி மின் மயானத்துக்கு சென்று ஆய்வு செய்தார். அங்கு பணியாற்றும் தொழிலாளர்களுக்கு கொரோனா தடுப்பூசி செலுத்துவதை பார்வையிட்டார்.
மனுக்களுக்கு தீர்வு காணவேண்டும்
பின்னர் நிருபர்களிடம் கூறும்போது, ‘மாநகராட்சிக்குட்பட்ட பகுதிகளில் கொரோனா தடுப்பூசி போடும் பணி நடந்து வருகிறது. தடுப்பூசி செலுத்துவதற்கு புதிய வழிமுறைகளை செயல்படுத்த ஏற்பாடு செய்து வருகிறோம். பொதுமக்களுக்கு எங்கு தடுப்பூசி போடப்படுகிறது என்பது குறித்து தெரிவிக்கும் வகையில் நடவடிக்கை மேற்கொள்ளப் படுகிறது' என்றார்.
பின்னர் மாலையில் மாநகராட்சி அலுவலக கூட்ட அரங்கில் ஆய்வு கூட்டம் நடைபெற்றது. கூட்டத்தில் ஆணையாளர் கிராந்தி குமார் பாடி பேசும்போது, ‘பொதுமக்களிடமிருந்து மின்னஞ்சல், மனுக்கள் மற்றும் உங்கள் தொகுதியில் முதல்-அமைச்சர் போன்ற பிரிவுகளின் கீழ் பெறப்படும் மனுக்கள் மீது உடனடியாக நடவடிக்கை மேற்கொண்டு தீர்வு காண வேண்டும். மேலும் ஸ்மார்ட் சிட்டி திட்டத்தின் கீழ் நடைபெற்று வரும் பணிகளை விரைந்து முடித்து பொதுமக்களின் பயன்பாட்டுக்கு கொண்டு வரவேண்டும்' என்று அதிகாரிகளுக்கு உத்தரவிட்டார்.
இந்த கூட்டத்தில் மாநகர பொறியாளர் ரவி, செயற்பொறியாளர்கள் திருமுருகன், முகமது சபியுல்லா, மாநகர நல அதிகாரி பிரதீப் வாசுதேவன் கிருஷ்ணகுமார், 4 மண்டல உதவி ஆணையாளர்கள், உதவி செயற்பொறியாளர்கள், இளநிலை பொறியாளர்கள் கலந்துகொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
