<
வாலிபரை கல்லால் தாக்கியவர் கைது
வாலிபரை கல்லால் தாக்கியவர் கைது செய்யப்பட்டார்.
ராமநாதபுரம்,
ராமநாதபுரம் கொத்தர்தெருவை சேர்ந்தவர் மகாலிங்கம் (வயது59). கட்டிட தொழிலாளியான இவர் புல்லங்குடி பகுதியில் பணி முடிந்து வீட்டிற்கு வந்தபோது விபத்தில் படுகாயம் அடைந்து பலியானார். இவரின் உடல் பிரேத பரிசோதனை ராமநாதபுரம் அரசு ஆஸ்பத்திரியில் நடந்தது. அப்போது பலியானவரின் உறவினர்கள், குடும்பத்தினர் பலர் பிரேத பரிசோதனை அறைக்குள் கூடியிருந்தனர். இதனை கண்ட டாக்டர் உடனடியாக அனைவரும் வெளியேறும்படி கூறினார். இதன்படி அங்கிருந்த கொத்தர்தெருவை சேர்ந்த சின்னராசு (33) என்பவர் அனைவரும் வெளியேறுங்கள் என்று கூறியுள்ளார். இதனை கேட்ட ராஜசேகர் (63) என்பவர் ஆத்திரமடைந்து கீழே கிடந்த கல்லை எடுத்து தலையில் தாக்கினார். இதில் படுகாயமடைந்த சின்னராசு ராமநாதபுரம் அரசு ஆஸ்பத்திரியில் அனுமதிக்கப்பட்டார். இதுகுறித்த புகாரின் அடிப்படையில் ராமநாதபுரம் நகர் போலீசார் வழக்குபதிவு செய்து ராஜசேகரை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
