இளையான்குடி ஒன்றியக்குழு கூட்டத்தில்-சுகாதாரத்துறை, மின்துறை, குடிநீர் வாரிய அதிகாரிகள் பங்கேற்க நடவடிக்கை

இளையான்குடி ஊராட்சி ஒன்றியக்குழு கூட்டம் ஒன்றிய தலைவர் முனியாண்டி தலைமையில் நடைபெற்றது. வட்டார வளர்ச்சி அலுவலர்கள் ஸ்ரீதர், ராஜேஸ்வரி, தவமணி ஆகியோர் முன்னிலை வகித்தனர்.
ஒன்றிய கவுன்சிலர் முருகன் (தி.மு.க.) பேசும்போது, பொது நிதியிலிருந்து 7 லட்சத்து 82 ஆயிரத்து 486 ரூபாய் தாயமங்கலம் திருவிழா சுகாதாரப் பணி செயல்பாட்டுக்கு கொடுக்கப்பட்டுள்ளது. அதில் முறையாக செயல்படுத்தப்பட்டு உள்ளனவா என்ற கணக்கு விவரங்களை பேரவையில் சமர்ப்பிக்க வேண்டும். மேலும் சுகாதாரத்துறை, மின்துறை, காவிரி கூட்டுக்குடிநீர் திட்ட அதிகாரிகள் ஒரு ஆண்டுக்கு மேல் பேரவை கூட்டத்தில் கலந்து கொள்ளவில்லை. இனிவரும் கூட்டங்களில் அவர்கள் கட்டாயம் கலந்து கொள்ள வேண்டும் என்றார்.
 ஒன்றிய கவுன்சிலர் கீர்த்தனா கனகராஜ் (அ.தி.மு.க) பேசியபோது, மேலாயூர் கிராமத்திற்கு கழிவுநீர் வடிகால் வசதி அமைத்துத்தர கோரிக்கை விடுத்தார்.
 உறுப்பினர்கள் கேட்டுக்கொண்டபடி மின்துறை, சுகாதாரத்துறை, காவிரி கூட்டு குடிநீர் திட்ட அதிகாரிகள் கலந்து கொள்ள நடவடிக்கை எடுக்கப்படும். உறுப்பினர்கள் பேரவையில் கேட்டுக் கொண்ட கோரிக்கைகள் அனைத்தும் நிறைவேற்றப்படும். உறுப்பினர்களுக்கு அடையாள அட்டை வழங்கப்படும் என்றார்.
 ஆணையாளர் ஸ்ரீதர் பதிலுரை அளித்தபோது அனைத்து துறை அதிகாரிகளும் பேரவை கூட்டத்தில் கலந்து கொள்ள நடவடிக்கை எடுக்கப்படும் என உறுதியளித்தார். முடிவில் வட்டார வளர்ச்சி அலுவலர் ராஜேஸ்வரி (கிராம ஊராட்சி) நன்றி தெரிவித்தார். இதில் கூட்டுறவு சங்க தலைவர்கள் பாரதிராஜன், தமிழரசன் மற்றும் அனைத்து துறை அதிகாரிகள் கலந்து கொண்டனர்.