உடையார்பாளையம், தா.பழூர், ஜெயங்கொண்டம் பகுதிகளில் மழை

உடையார்பாளையம்:

அரியலூர் மாவட்டம் உடையார்பாளையம் பகுதியில் வெயிலின் தாக்கம் கடந்த ஒரு வாரமாக அதிகமாக இருந்தது. இதனால் பொதுமக்கள் பெரிதும் அவதிப்பட்டனர். இந்நிலையில் நேற்று மதியம் வெயிலின் தாக்கம் குறைந்து குளிர்ந்த காற்று வீச தொடங்கியது. பின்னர் வானில் கருமேகம் சூழ்ந்து மழை பெய்தது. உடையார்பாளையம், முனையதரையன்பட்டி, கழுமங்கலம், கச்சிபெருமாள், தத்தனூர், த.சோழங்குறிச்சி ஆதிச்சனூர், சுத்தமல்லி உள்ளிட்ட பல்வேறு பகுதிகளில் பலத்த மழை பெய்ததால் பொது மக்கள் மற்றும் விவசாயிகள் மகிழ்ச்சி அடைந்தனர்.