<
வீட்டில் பதுக்கி வைத்திருந்த ரூ.3 லட்சம் கஞ்சா பறிமுதல்
நாகையில், வீட்டில் பதுக்கி வைத்திருந்த ரூ.3 லட்சம் கஞ்சாவை பறிமுதல் செய்த போலீசார் இதுதொடர்பாக கணவன், மனைவியை கைது செய்தனர்.
நாகப்பட்டினம்:
நாகையில், வீட்டில் பதுக்கி வைத்திருந்த ரூ.3 லட்சம் கஞ்சாவை பறிமுதல் செய்த போலீசார் இதுதொடர்பாக கணவன், மனைவியை கைது செய்தனர்.
கண்காணிப்பு பணி
நாகை மாவட்டத்தில் கஞ்சா விற்பனையை தடுக்க போலீஸ் சூப்பிரண்டு ஜவகர் உத்தரவிட்டார். அதன் பேரில் தனிப்படை அமைக்கப்பட்டு போலீசார் தீவிர கண்காணிப்பு பணியில் ஈடுபட்டு வருகின்றனர்.
இந்த நிலையில் நேற்று நாகை வெளிப்பாளையம் தெற்கு நல்லியான் தோட்டம் பகுதியில் ஒரு வீட்டில் கஞ்சா பதுக்கி வைத்திருப்பதாக தனிப்படை போலீசாருக்கு தகவல் கிடைத்தது.
ரூ.3 லட்சம் கஞ்சா பறிமுதல்
இதனை தொடர்ந்து போலீசார் சம்பவ இடத்துக்கு விரைந்து சென்று அந்த வீட்டில் சோதனை நடத்தினர். அப்போது வீரையன்(வயது 62), அவருடைய மனைவி சிந்தாமணி(55) ஆகிய இருவரும் விற்பனைக்காக கஞ்சாவை தங்களது வீட்டில் பதுக்கி வைத்திருந்தது தெரிய வந்தது.
இதையடுத்து அங்கு இருந்த 8 கிலோ 200 கிராம் கஞ்சாவை போலீசார் பறிமுதல் செய்தனர். பறிமுதல் செய்யப்பட்ட கஞ்சாவின் மதிப்பு ரூ.3 லட்சம் இருக்கும் என கூறப்படுகிறது.
கணவன்-மனைவி கைது
இதுகுறித்து வெளிப்பாளையம் போலீசார் வழக்குப்பதிவு செய்து வீரையன் மற்றும் அவருடைய மனைவி சிந்தாமணி ஆகிய இருவரையும் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire