ஆடு திருடிய 2 பேர் கைது

அன்னவாசல்
அன்னவாசல் அருகே உள்ள எலுமிச்சம்பட்டியை சேர்ந்தவர் ராஜ்குமார். இவரது ஆடு ஒன்று நேற்று முன்தினம் திருட்டுப் போனது. இதுகுறித்து அன்னவாசல் போலீசில் அவர் அளித்த புகாரின்பேரில், போலீஸ் சப்-இன்ஸ்பெக்டர் குணசேகரன் வழக்குப்பதிவு செய்து விசாரணை நடத்தி வந்தார். இந்தநிலையில், ஆட்டை திருடியதாக அன்னவாசல் அருகே உள்ள விசலூரை சேர்ந்த கேசவன் (வயது 20), முதலிபட்டியை சேர்ந்த 17 வயது சிறுவன் உள்பட 2 பேரை போலீசார் கைது செய்தனர்.