மணல் கடத்திய 3 மாட்டு வண்டிகள் பறிமுதல்

விக்கிரமங்கலம்:

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் அறங்கோட்டை பகுதியில் ரோந்து பணியில் ஈடுபட்டனர். அப்போது அந்த வழியாக வந்த 3 மாட்டு வண்டிகளை மறித்து சோதனை செய்ய முயன்றனர். இதனால் மாட்டு வண்டிகளை சாலையின் ஓரமாக நிறுத்திவிட்டு, அவற்றை ஓட்டி வந்த 3 பேரும் தப்பி ஓடிவிட்டனர். 3 மாட்டு வண்டிகளையும் சோதனை செய்தபோது அவற்றில் அறங்கோட்டை கொள்ளிடம் ஆற்றுப் படுகை பகுதிகளில் இருந்து ஸ்ரீபுரந்தான் பகுதிகளுக்கு மணல் கடத்தியது தெரியவந்தது. இதையடுத்து மாட்டு வண்டிகளை பறிமுதல் செய்த போலீசார், இது குறித்து வழக்குப்பதிவு செய்து தப்பியோடிய 3 பேரையும் தேடி வருகின்றனர்.