மணல் கடத்திய டிராக்டர்- பொக்லைன் எந்திரம் பறிமுதல்; 2 டிரைவர்கள் கைது

உடையார்பாளையம்:

அரியலூர் மாவட்டம் உடையார்பாளையம் போலீஸ் சப்-இன்ஸ்பெக்டர் மாசிலாமணி மற்றும் போலீசார் அப்பகுதியில் ரோந்து பணியில் ஈடுபட்டனர். அப்போது நடுவலூர் பெரிய ஓடையில் இருந்து பொக்லைன் எந்திரம் மூலம் டிராக்டரில் மணல் கடத்தப்பட்டது தெரியவந்தது. இதையடுத்து போலீசார் நடத்திய விசாரணையில், பொக்லைன் எந்திரத்தின் டிரைவர் சுத்தமல்லி கிராமத்தை சேர்ந்த ராமச்சந்திரனின் மகன் மணிகண்டன்(வயது 31), டிராக்டர் டிரைவர் அதே பகுதியை சேர்ந்த வீராசாமி மகன் ராஜேந்திரன்(41) என்பது தெரியவந்தது. இதுகுறித்து உடையார்பாளையம் போலீசார் வழக்குப்பதிந்து 2 பேரையும் கைது செய்து டிராக்டர், பொக்லைன் எந்திரத்தை பறிமுதல் செய்தனர்.