போடி அருகே சிறுமியை கடத்திய வாலிபர் போக்சோவில் கைது

போடி,ஜூன்.28-

போடி அருகே உள்ள எர்ணம்பட்டி மேற்கு தெருவை சேர்ந்தவர் இளஞ்செழியன் (வயது 25). பால் வியாபாரம் செய்து வருகிறார். இவர் 16 வயது சிறுமியை ஆசைவார்த்தை கூறி கடந்த 16-ந்தேதி கடத்தி சென்று விட்டார். இதுகுறித்து சிறுமியின் தந்தை போடி தாலுகா போலீசில் புகார் கொடுத்தார். அதன்பேரில் போலீசார் இருவரையும் தேடி வந்தனர்.

இதில் அவர்கள் திருமணம் செய்து கொண்டு திருப்பூரில் உள்ள தனியார் நிறுவனத்தில் வேலை செய்வது தெரியவந்தது. இதையடுத்து அவர்களை தனிப்படை போலீசார் மீட்டு அழைத்து வந்து விசாரித்தனர். பின்னர் அந்த சிறுமி ஒரு தனியார் தொண்டு நிறுவன காப்பகத்தில் சேர்க்கப்பட்டார். இந்தநிலையில் சிறுமியை கடத்திய இளஞ்செழியன் மீது போலீசார் போக்சோ சட்டத்தின் கீழ் வழக்குப்பதிவு செய்து அவரை கைது செய்தனர்.