<
ஊட்டி தடுப்பூசி மையத்தில் சுகாதார ஊழியர்களுடன் பொதுமக்கள் வாக்குவாதம்
ஊட்டி தடுப்பூசி மையத்தில் சுகாதார ஊழியர்களுடன் பொதுமக்கள் வாக்குவாதம் செய்தனர்.
ஊட்டி,
நீலகிரி மாவட்டம் ஊட்டியில் 4 பள்ளிகள், கூடலூரில் 3 பள்ளிகள், குன்னூரில் 2 பள்ளிகள், கோத்தகிரியில் 3 பள்ளிகள் மற்றும் ஆரம்ப சுகாதார நிலையங்களில் கொரோனா தடுப்பூசி செலுத்தும் பணி நடைபெற்று வருகிறது. இந்த நிலையில் நேற்று கோவிஷீல்டு 2-வது டோஸ் செலுத்தும் முகாம் நடந்தது.
ஊட்டி சாந்தி விஜய் பள்ளியில் முதல் டோஸ் செலுத்த காலை முதலே மக்கள் காத்திருந்தனர். பின்னர் வந்த சுகாதார குழுவினர் 2-வது டோஸ் மட்டுமே செலுத்தப்படும் என்று தெரிவித்தனர். இதனால் வரிசையில் காத்திருந்தவர்கள் சுகாதார ஊழியர்களிடம் வாக்குவாதத்தில் ஈடுபட்டனர்.
இதுகுறித்து தகவல் அறிந்த போலீசார் 2-வது டோஸ் செலுத்துபவர்களை மட்டும் வரிசையில் நிற்க வைத்து, முதல் டோஸ் செலுத்த வந்தவர்களை வெளியே அனுப்பினர். அவர்கள் நுழைவுவாயில் முன்பு காத்திருந்தனர். இதனால் அங்கு சிறிது நேரம் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
