<
கூட்டுறவு தொழிற்சாலைகளுக்கு பச்சை தேயிலை வரத்து அதிகரிப்பு
நீலகிரி மாவட்டத்தில் கூட்டுறவு தொழிற்சாலைகளுக்கு பச்சை தேயிலை வரத்து அதிகரித்து உள்ளது.
ஊட்டி
நீலகிரி மாவட்டத்தில் கூட்டுறவு தொழிற்சாலைகளுக்கு பச்சை தேயிலை வரத்து அதிகரித்து உள்ளது.
மகசூல் அதிகரிப்பு
நீலகிரி மாவட்டத்தில் கடந்த மே மாதம் கோடை மழை மிதமாக பெய்தது. நடப்பு மாதத்தில் தென்மேற்கு பருவமழை பரவலாக பதிவானது.
இதை தொடர்ந்து ஊட்டி, மஞ்சூர், குன்னூர், கோத்தகிரி பகுதிகளில் உள்ள தேயிலை தோட்டங்களில் பச்சை தேயிலை மகசூல் அதிகரித்து உள்ளது.
இதனால் கடந்த சில நாட்களாக தேயிலை தொழிற்சாலைகளில் பச்சை தேயிலை கொள்முதல் அதிகரித்து வருகிறது. நீலகிரியில் இன்கோசர்வ் கட்டுப்பாட்டின் கீழ் 16 கூட்டுறவு தேயிலை தொழிற்சாலைகள் உள்ளது. இங்கு 30 ஆயிரத்துக்கும் மேற்பட்ட விவசாயிகள் உறுப்பினர்களாக உள்ளனர்.
16 தொழிற்சாலைகளிலும் தினமும் 4 லட்சம் கிலோ பச்சை தேயிலை கொள்முதல் செய்வது வழக்கம். தற்போது மகசூல் அதிகரித்து உள்ளதால், விவசாயிகள் அதிகமாக தேயிலையை கொள்முதல் மையங்களுக்கு கொண்டு வருகின்றனர்.
தேயிலை தொழிற்சாலைகள், கொள்முதல் மையங்களில் விவசாயிகளிடம் இருந்து கொள்முதல் செய்த பச்சை தேயிலையை சேமித்து வைக்க போதிய இடவசதி இல்லை. இதனால் தேயிலை ஆங்காங்கே குவித்து வைக்கப்பட்டு உள்ளது. பச்சை தேயிலை வரத்து அதிகரிப்பால் தேயிலைத்தூள் உற்பத்தி மும்முரமாக நடைபெற்று வருகிறது.
6 லட்சம் கிலோ தேயிலை
இதுகுறித்து அதிகாரிகள் கூறியதாவது:-
நீலகிரியில் 16 கூட்டுறவு தேயிலை தொழிற்சாலைகளில் ஒவ்வொரு தொழிற்சாலைக்கும் தலா 30 ஆயிரம் கிலோ பச்சை தேயிலை கொள்முதல் செய்யப்படும். தற்போது 45 ஆயிரம் கிலோ வரை கொள்முதல் அதிகரித்து இருக்கிறது. ஒரே நாளில் 6 லட்சம் கிலோ கொள்முதல் செய்யப்பட்டு உள்ளது. இது வழக்கத்தை விட அதிகமாகும்.
இதனால் மறு அறிவிப்பு வரும் வரை விவசாயிகளிடம் இருந்து கொள்முதல் நிறுத்தப்பட்டது. தற்போது கொள்முதல் செய்து வைத்த தேயிலையை கொண்டு, தொழிலாளர்கள் சுழற்சி முறையில் தேயிலைத்தூள் உற்பத்தி செய்து வருகின்றனர். வருகிற நாட்களில் தேயிலை தரமாக இருந்தால் மட்டுமே கொள்முதல் செய்யப்படும். இவ்வாறு அவர்கள் கூறினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
