கணவன்-மனைவி உள்பட 3 பேர் மீது தாக்குதல்

திருப்புவனம்,

பூவந்தி அருகே கணவன்-மனைவி உள்பட 3 பேர் மீது தாக்குதல் நடத்தப்பட்டது. இது தொடர்பாக 2 பேர் மீது வழக்குபதிவு செய்யப்பட்டு உள்ளது.

பூவந்தி போலீஸ் சரகத்தை சேர்ந்த இலந்தங்குடி கிராமத்தை சேர்ந்தவர் ஏழுமலை(வயது 70). இவரது மகன் கிருஷ்ணன். இவர் கடந்த 2016-ம் ஆண்டு துபாயில் வேலை பார்த்த போது சித்தலூர் கிராமத்தைச் சேர்ந்த சித்திரகுட்டி என்ற அழகர்சாமியிடம் ரூ.1½ லட்சம் கடன் வாங்கியுள்ளார். பின்னர் இந்த பணத்தை சித்தலூரில் உள்ள தனது தம்பி சிவகுருநாதனுக்கு அனுப்பி வைக்குமாறு கிருஷ்ணனிடம் அழகர்சாமி கூறியுள்ளார். அவர் கூறியபடியே கிருஷ்ணனும் மாதந்தோறும் சிவகுருநாதனுக்கு பணம் அனுப்பி வந்துள்ளார். இந்த நிலையில் கடந்த 2017-ம் ஆண்டு கிருஷ்ணன் துபாயிலிருந்து ஊருக்கு வந்துள்ளார். அப்பொழுது சிவகுருநாதன் தனது அண்ணனுக்கு தரவேண்டிய பணத்தை தருமாறு கிருஷ்ணனிடம் தகராறில் ஈடுபட்டு உள்ளார். அதற்கு கிருஷ்ணன் நான் கடன் பணம் முழுவதையும் கொடுத்து விட்டேன் என கூறி இருக்கிறார்.